Клопп ўрнини “Ливерпуль” афсонаси эгаллайди

Аввалроқ, Юген Клопп 2022 йили Қатарда бўладиган жаҳон чемпионатидан кейин “Ливерпуль”ни тарк этиб, Германия терма жамоасини қабул қилиб олиши ҳақида хабарлар тарқатилган эди.

Клуб раҳбарияти бош мураббий шартномада белгиланган 2024 йилнинг ёзигача ишламайдиган бўлса, унинг ўрнига бошқа мутахассис топиб қўйишга қарор қилди. Бу борада ливерпулликлар клубнинг афсонавий ўйинчиси Стивен Жеррардни бош мураббий лавозимига таклиф қилмоқчи.

Стивен Жеррард “Глазго Рейнжерс”ни муваффақиятли бошқариб, жамоани Шотландия чемпионати етакчисига айлантирди. “Ливерпуль” раҳбарияти унинг мураббий сифатидаги ишидан ҳайратланмоқда.

Стивен Жеррард 1998-2015 йиллар давомида “Ливерпуль”да ўйнаган ва кейин АҚШнинг “Лос-Анжелес Гэлакси” клубига ўтиб кетган. Моҳир ярим ҳимоячи 2016 йилда футболчилик фаолиятини якунлади. 2018 йилнинг ёзидан “Рейнжерс” бош мураббийи сифатида иш юритмоқда.