КЎЖЧ. "Челси" илк учрашувда ишончли ҳисобда зафар қучди

Клублар ўртасидаги Жаҳон чемпионатининг 1-турида Энцо Мареска бошчилигидаги "Челси" МЛСнинг "Лос-Анджелес" клубини 2:0 ҳисобида мағлуб этди. 
 
Учрашувнинг 34-дақиқасида Педру Нето ҳисобни очишга муваффақ бўлган бўлса, иккинчи бўлимнинг 79-дақиқасида Энцо Фернандес орадаги фарқни 2 тага етказиб қўйди. Бу гол эса беллашувдаги сўнггиси бўлиб қолди. Шунингдек, илк голни киритган португалиялик вингер тўқнашувнинг энг яхши футболчиси деб топилди. 
 
Гуруҳнинг бошқа бир ўйинида эса Туниснинг "Эсперанс" жамоаси билан Бразилиянинг "Фламенго" клублар ўзаро тўқнаш келади. Мазкур тўқнашув эса эртага соат 06:00 да старт олиши режалаштирилган.