Колумбия ҳамда саралашдан ўтиши кутилаётган Конго жамоалари ҳақида билишингиз керак бўлган қизиқарли фактлар!

2026 йилги Жаҳон чемпионати гуруҳ босқичида Фабио Каннаваро бошқарувидаги Ўзбекистон миллий терма жамоамиз "K" гуруҳидан жой олди ва Португалия, Колумбия билан куч синашиши аниқ бўлди. Шунингдек, 4-ўрин учун Конго, Ямайка ва Янги Каледония терма жамоалари ўзаро куч синашади.
 
Конго терма жамоаси ушбу уч жамоа ичида ЖЧ йўлланмасини қўлга киритиш учун асосий фаворит ҳисобланади. Сабаби, жамоа ЖЧ саралаши доирасида ўз гуруҳида Сенегалдан кейин иккинчи ўринни қўлга киритган. Плей-офф баҳсларида эса Камерун ва Нигерияни таслим этиб, қитъалараро саралашга йўл олган эди. 
 
Кўплаб футбол мухлислари Португалиядан фарқли равишда Колумбия ва Конго терма жамоалари ҳақида камроқ маълумотга эга. Сайтимиз эса ушбу икки жамоа ҳақида қизиқарли фактларни сизга тақдим этади. 
 
Колумбия терма жамоаси ҳақида: 
 
ФИФА рейтингида - 13 ўрин; 
 
Таркибидаги юлдуз футболчилар: Даниэль Муньос ("Кристал Пэлас"), Давинсон Санчес ("Галатасарой"), Хамес Родригес ("Леон"), Луис Диас ("Бавария"), Жефферсон Лерма ("Кристал Пэлас"), Ричард Риос ("Бенфика"), Луис Суарес ("Спортинг"), Жон Ариас ("Вулверхэмптон"), Жон Лукуми ("Болонья"); 
 
Жаҳон чемпионати саралашида - 3 ўрин; 
 
Копа-Америка 2024’да - Вице-чемпион! 
 
Конго Демократик Республикаси ҳақида: 
 
ФИФА рейтингида - 56 ўрин; 
 
Transfermarkt қиймати - 135 миллион евро 
 
Таркибидаги юлдузлар: Аксел Туанзебе ("Бёрнли"), Артур Масуаку ("Сандерленд"), Аарон Уан-Биссака ("Вест Хэм"), Ноа Садики ("Сандерленд"), Седрик Бакамбу ("Бетис"), Нгалайель Мукау ("Лилль"), Йоан Висса ("Ньюкасл"). 
 
Маълумот учун, Уан-Биссака ва Туанзебе бир вақтлари Англия Премьер-лигасининг "Манчестер Юнайтед" клубида ўйнаган. 
 
Эслатиб ўтамиз, Ўзбекистон миллий терма жамоасининг умумий қиймати 64 миллион еврони ташкил этади. ФИФА рейтингида эса жамоамиз 50-ўринни эгаллаб турибди.