Kolumbiya murabbiy O‘zbekiston haqida nimalar dedi?

Kolumbiya terma jamoasi bosh murabbiyi Nestor Lorenso jahon chempionati guruh bosqichi doirasida Oʻzbekistonga qarshi oʻyindan keyin jurnalistlar savollariga javob berdi.

U FIFA matbuot xizmatiga bergan izohida bu mundialda zaif jamoalar yoʻqligini, shu bois har qanday raqibni kamsitmaslik kerakligini taʼkidladi. 

Lorensoning soʻzlariga koʻra, Oʻzbekiston terma jamoasi soʻnggi yillarda juda yaxshi natijalarga erishgan.

- Oʻzbekiston bu juda yaxshi tashkil etilgan jamoa. Tarkibida mahoratli futbolchilar va kuchli murabbiy bor. Oʻzbekiston terma jamoasi qay tarzda futbol oʻynashini yaxshi biladi, — dedi Lorenso.

Eslatib oʻtamiz, Kolumbiya terma jamoasi Oʻzbekistoni 3:1 hisobida magʻlub etdi va "K" guruhida peshqadamlikni qoʻlga kiritdi. Keyingi turda Kolumbiya Kongo terma jamoasiga qarshi maydonga tushadi. Oʻzbekiston futbolchilari esa, 23 iyun kuni Portugaliya terma jamoasi bilan kuch sinashadi.