"Комо" президенти Нико Паснинг келажаги ҳақида гапирди

"Комо" клуби президенти Мирван Суварсо ярим ҳимоячи Нико Паснинг келажаги ҳақида фикр билдирди.

Аввалроқ матбуотда аргентиналик футболчининг "Реал Мадрид"га қайтиши мумкинлиги ҳақида хабарлар тарқалган эди.

"Нико Пас яна бир йил бизда қоладими? Бу қарорни фақат “Реал” қабул қилади. Биз кутаяпмиз, ҳаммаси уларга боғлиқ",— деди Суварсо.

Эслатиб ўтамиз, Пас 2016 йилдан 2024 йилгача мадридликлар академияси тизимида ҳаракат қилган. Кейинчалик у "Комо"га ўтган. Шу билан бирга, “Реал” футболчини 10 миллион еврога қайтариб сотиб олиш ҳуқуқини сақлаб қолган.

21 ёшли ярим ҳимоячи ўтган мавсумда 40 та ўйинда майдонга тушиб, 13 та гол ва 8 та ассист қайд этган. Transfermarkt унинг бозор қийматини 80 миллион евро деб баҳоламоқда.