Компани: "Бундеслига ўйинлари кўпчилик ўйлайдиганидек осон эмас"

Венсан Компани Бундеслигада ўйинларнинг кўпчилик ҳисоблаганидек осон эмаслигини айтиб ўтди.

Бугун "Бавария" унинг қўл остида "Аугсбург"га қарши 2:1 ҳисобида мағлуб бўлди. Бу мюнхенликлар учун 2025 йил март ойидан бери чемпионатдаги илк мағлубият ҳисобланади.

— Кўпинча одамлар Бундеслига осон бўлди, деб ўйлашади. Бу тўғри эмас. Бундай натижа ҳар бир очко учун қанчалик курашиш кераклигини кўрсатади, — деди "Бавария" бош мураббийи.

Маълумот ўрнида, амалдаги Бундеслига чемпионлари 19 та учрашувдан сўнг 50 очко тўплаган ҳолда, пешқадамлик қилмоқда. 2-ўриндаги "Боруссия Дортмунд" эса 19 та турдан сўнг 42 очко жамғарган.