Конте Кварацхелияга ўринбосар топди

"Наполи" "Манчестер Юнайтед" футболчиси Алехандро Гарначога қизиқиш билдирмоқда.

"SportItalia" журналистлари Альфредо Педулла ва Мишель Криссителло хабарига кўра, Италия клуби январда жамоани тарк этиши мумкин бўлган Хвича Кварацхелияга ўринбосар топиш устида ишламоқда. 

Гарначо "Наполи" устози Антонио Контенинг асосий мақсади эканлиги айтилмоқда. 

"Юнайтед" вингерининг тахминий трансфер нархи 50 миллион еврога баҳоланмоқда. Футболчининг амалдаги шартномаси 2028 йилнинг ёзига қадар мўлжалланган. 

Жорий мавсумда аргентиналик футболчи АПЛ доирасида 19 та беллашувда майдонга тушиб, 3 та гол урди ва 1 та голли узатма муаллифига айланди.