Конте "Милан"нинг собиқ футболчисини "Интер"га олиб келмоқчи

“Сассуоло” клуби ярим ҳимоячиси Мануэль Локателли фаолиятини “Интер”да давом эттириши мумкин.

Football Italia нашри тарқатган хабарга кўра, “нерадзуррилар” устози Антонио Конте 22 ёшли футболчи жамоа таркибини кучайтиришига ишонмоқда. Ушбу трансфер мавсумлар оралиғида амалга оширилиши мумкин.

Маълумот учун, Локателли асли “Милан” тарбияланувчиси ҳисобланади. У 2018 йилга қадар “россонерилар” шарафини ҳимоя қилган. У жорий мавсум “Сассуоло” сафида А Серияда 20 та ўйинда майдонга тушди ва 4 та голга ассистентлик қилишга эришди.