Конте: Шу иккиси тезроқ югурмаса бўлмайди!

“Тоттенхэм” премьер-лиганинг 21-турида сафар учрашувида “Уотфорд”ни кичик ҳисобда мағлуб этиб, Антонио Конте қўл остидаги мағлубиятсиз ўйинини саккизта учрашувга етказди.

Ғалабага қарамай, “Тоттенхэм” футболчилари анча бўш ўйнади. Бу италиялик мутахассиснинг эътиборидан четди қолмади ва у ўйинни кучайтириш борасида ўз фикрларини билдирди.

- Биз қўллаётган усулда қанот ҳимоячиларининг роли жуда муҳим ҳисобланади. Улар ҳужумдаги самарадорликни ҳам таъминлашига тўғри келади. Бу позицияда ўйнайдиганлар жуда кўп энергия сарфлашини яхши биламан.

Бу усулда жамоа тўпга эгалик қилганда сен ҳужумчи ва ҳужумкор қанот футболчисига айланасан, тўп рақибга ўтганида ўнг ёки чап қанот ҳимоячиси ролига қайтасан.

Шунга қарамай, жамоамизда ўсишга қодир ёш ўйинчилар бор, - деди Антонио Конте.

“Уотфорд”га қарши ўйинда Конте қанот ҳимоясида Эмерсон Роял ва Серхио Регилонни ўйнатди ва айнан мана шу футболчилар тезкорликни ошириши лозимлигини билдирди.