"Konya-2021". 3x3 баскетбол жамоамизнинг гуруҳдаги рақиблари маълум бўлди

Жорий йилнинг 9-18 август саналарида Туркиянинг Конья шаҳри катта халқаро турнирга мезбонлик қилади.

Гап шундаки, V Ислом бирдамлик ўйинлари айнан шу ерда ўтказилиши режалаштирилган. Мусобақа 2021 йилда бўлиб ўтиши керак эди, аммо пандемия туфайли 1 йилга кечиктирилди. 55 мамлакатдан 6000 дан зиёд атлет иштирок этиши кутилаётган баҳсларда қатнашувчилар 19 та спорт турида баҳс олиб боради.

SPORTS.uz сайти ушбу мусобақани яқиндан ёритиб боради ва эътиборингизга V Ислом бирдамлик ўйинлари ҳақидаги маълумотларни етказишни бошлаймиз.

3x3 баскетбол бўйича аёллар жамоамиз қуръа натижасига кўра "Б" квартетидан ўрин эгаллади. Гуруҳда вакилларимизга Қирғиз Республикаси, Суринам ва БАА рақиблик қилади. 

Жамоамиз таркиби: Алия Саматова, Елена Ҳуснитдинова, Кристина Авдеева, Наталья Конева. Ушбу спорт турларидаги баҳслар 13-17 август кунлари ўтказилади.

Қуйида барча гуруҳлар билан танишиш имкониятига эгасиз: