Конья-2021. Азизбек Бойназаров мусобақадаги 3-медалини қўлга киритди!

Ҳозиргина Конья шаҳрида давом этаётган V Ислом бирдамлик ўйинларининг пара сузиш баҳсларида 100 метрга брасс усулида сузиш бўйича финал беллашувлари якунланди.

Эътиборлиси, унда иштирок этган ҳамюртимиз Азизбек Бойназаров 1 дақиқаю 18.26 сония натижа билан бронза медалини қўлга киритди.

Таъкидлаш керакки, бу Азизбекнинг V Ислом бирдамлик ўйинларидаги 3-медали бўлди. Бунгача у 200 метрга комплекс ҳамда 100 метрга баттерфляй усулида сузиш бўйича олтин медалларни қўлга киритган эди.