Konya-2021. Para stol tennischimiz ham musobaqa oldidan so‘nggi tayyorgarlik jarayonini olib bormoqda

Avval xabar berganimizdek, Konya shahrida bo‘lib o‘tayotgan V Islom birdamlik o‘yinlarida o‘zbekistonlik paralimpiyachilar 4 ta sport turida yurtimiz sharafini himoya qilishadi. Para stol tennisi ham shular jumlasidandir.

Ayni paytda para stol tennischimiz Rasul Atamuradov Konya shahrida trener Nodira Burxonxo‘jaeva qo‘l ostida aynan musobaqa o‘tkaziladigan arenada so‘nggi tayyorgarlik jarayonini olib bormoqda.

Ma’lumot uchun, V Islom birdamlik o‘yinlarining para stol tennisi bo‘yicha bahslari 13-15 avgust kunlari o‘tkazilishi rejalashtirilgan.