Кўп гол урган ҳужумчи Зиданга шогирд тушмоқчи

ПСЖдан кетганидан буён эркин агент мақомида юрган Эдинсон Кавани ўзига муносиб клуб топа олмаяпти.

Бир неча клублар билан музокара ўтказиб, маош борасида келиша олмаган уругвайлик ҳужумчи икки марта ўз хизматини “Барселона”га ҳам таклиф қилди. Бироқ, каталонияликлар супер тўпурарни олиш нияти йўқлигини билдирди.

Энди Кавани манфаатларини ҳимоя қилаётган агентлар уни “Реал”га тавсия қилмоқда. Улар 33 ёшли тўпурарни текинга қўлга киритиш варианти Зинедин Зиданни қизиқтиришига ишонмоқда. Қолаверса, айрим клубларнинг йилига 10 миллион евролик маошини қабул қилмаган Кавани мадридликлар сафида 7 миллион еврога тўп суришга рози бўлишини билдирган.