Кўпроқ ўйинчи олмасак бўлмайди

Англиянинг амалдаги чемпиони – Лондоннинг “Арсенал” клуби бош мураббийи Микель Артета “канонирлар”нинг жорий ёзги трансферлар давридаги харидлари ҳақида фикр билдирди.

- Биз янада кўпроғини амалга оширишни истаймиз. Ҳар сафар таркибни яхшилаш, жамоага янада кўпроқ сифат ва чуқурлик олиб кириш имконияти пайдо бўлса, биз бундан фойдаланишимиз керак.

Биз буни амалга ошириш учун фаол ҳаракат қиляпмиз. Ҳаракат қилишда давом этамиз, -  дея Артетанинг сўзларини журналист ва инсайдер Фабрицио Романо ижтимоий тармоқдаги X саҳифасида келтирди.

Эслатиб ўтамиз, “Арсенал” аввалроқ “Ньюкасл Юнайтед”дан ярим ҳимоячи Бруно Гимарайнсни, “Брюгге”дан вингер Христос Цолисни, “Лидс Юнайтед”дан дарвозабон Иллан Мельени сотиб олди, шунингдек, “Байер”дан ҳимоячи Пьеро Инкапьега бўлган ҳуқуқни тўлиқ харид қилди.

Оммавий ахборот воситалари маълумотларига кўра, лондонликлар янги футболчилар трансфери учун 176,5 миллион евро сарфлаган.