Коронавирус бу ўйинга хавф сололмади

УЕФА Чемпионлар лигаси 1/8 финалидан ўрин олган "РБ Лейпциг" ва "Тоттенхэм" клублари ўртасидаги учрашув мухлислар тўла стадионда ўтказилади.

Англия коронавирус эпидемияси ўчоғи ҳисобланмагани учун лондонлик мухлислар ўз суюкли жамоасини стадиондан туриб қўллаб-қувватлаш имкониятига эга.

"РБ Лейпциг" - "Тоттенхэм" учрашуви эртага 10 март куни Тошкент вақти билан соат 01:00 да бошланади. Ушбу жамоаларнинг Лондонда кечган дастлабки ўйинида 1:0 ҳисобида немис клуби зафар қучган эди.

Айтиш керакки, ҳозирда Германияда 1151 нафар инсон ушбу касалликка чалинган. Ҳозирда мамлакатда коронавирус туфайли ўлим ҳолат қайд этилгани йўқ.

Эслатиб ўтамиз, бундан аввалроқ 1/8 финалдан ўрин олган ПСЖ – “Боруссия” Дортмунд беллашуви коронавирус сабаб мухлисларсиз ўтказилиши ҳақида хабар берилган эди.

Фикрлар

Фикр қолдириш учун авторизациядан ўтинг!