Koutino dilemmasi. Endi qaerga?

 Ikki yil oldin ham Filippe Koutino ajoyib o‘yin ko‘satardi. Klopp yordamisiz u Evropaning eng yaxshi futbolchilaridan biri bo‘la olmasdi. O‘zi istab “Barselona”ga o‘tishga rozi bo‘ldi. Lekin bu ertak ham yakunlandi.

Kataloniyaliklar uchun futbolchi 140 mln funtga tushdi va bu sarflangan pullar havoga uchgandek bo‘ldi. Koutino go‘yoki futbol o‘ynashni unutib qo‘ygandek taassurot qoldirardi.

Kataloniyada o‘tkazgan 18 oyidan so‘ng Koutino jamoani tark etdi. “Bavariya” Filippega taklif bildirganda futbolchi bajonidil rozi bo‘ldi. U uchun formasini tiklab olishga yaxshi imkoniyat edi.

Myunxenda ham kambek amalga oshmadi. Koutino avvalgi o‘yinlarini namoyish eta olmayapti. Shu yil u bor-yo‘g‘i ikki marta asosiy tarkibda maydonga tushdi. 140 mlnlik futbolchi uchun ayanchli holat.

Murabbiy Xaus Diter Flik braziliyalik futbolchidan ko‘ra Ivan Perishich, Leon Goretska va Tomas Myullerni afzal ko‘ryapti. Shunga qaramasdan, Filippe Germaniyada qolmoqchi. “Barselona” ham futbolchini sotib yuborish tarafdori.

“Ko‘k-anorranglilar” futbolchi uchun kamida 77 mln funt olmoqchi. “Bavariya” esa Koutino bu pulga arzimaydi deb hisoblayapti. Koutinodan ko‘ra Leroy Sane yoki Kay Xaverts myunxenliklar uchun vokal variant hisoblanadi.

Bunday munosabatga Koutinoning o‘zi aybdor. U hammani hayratga solmoqchi edi, ammo buni uddalay olmadi. Ishonasizmi-yo‘qmi, Koutinoning bu mavsumdagi statistikasi hayratlanarli. Qandaydir 1146  daqiqa ichida uning hisobida 6 ta gol va 6 ta golli uzatma mavjud. Har 90 daqiqaga 0,94 ta gol to‘g‘ri keladi. Braziliyalik futbolchi o‘zidan kutilayotgan natijalarni beryapti, har o‘yinda 2.12 ta hal qiluvchi uzatma oshiryapti va har o‘yinda 3,85 ta zarba beryapti.

Ammo statistika bizga vaziyatni to‘laligicha namoyish etmaydi. 12 ta golli vaziyatlarning 5 tasi “Verder”ga qarshi o‘yinga to‘g‘ri keladi. O‘sha bahsda Filippe va 3 ta gol 2 ta golli uzatmani o‘z hisobiga yozdirib qo‘ygan edi.

Demak, futbolchi 1064 daqiqada 3 ta gol va 3 ta golli uzatma amalga oshirgan bo‘lib chiqyapti. Bu esa Bundesligada har 152 daqiqada gol yoki assistentli  hisoblanadi. Eng hayratlanarlisi esa, Koutino 13 marta maydonga tushgan bo‘lsa-da, 6 ta o‘yinda gol va assistentliklarini amalga oshirgan.

ENDI QAERGA?

Agarda “Bavariya” yozda boshqa biror futbolchiga ishonch bildirsa, Koutino Kataloniyaga qaytariladi. Avvallari biz yulduz futbolchi uchun jiddiy kurash kechishini kuzatgan bo‘lsak, endi tushunib turibmizki, hech kim tavakkalga qo‘l urishni istamaydi. FIFA videoo‘yinlarida istalgan jamoaning etakchi futbolchisiga aylanishi mumkin. Ammo real hayotda esa buning aksini ko`ryapmiz.

Koutinoni sotib olmoqchi bo‘lgan jamoalar ro‘yxati juda qisqa. “Tottenxem” Filippega qiziqish bildirayotgani haqida mish-mishlar chiqqandi. Oxirida “shporlar” Jovanni Lo Chelso va Stiven Bergveyn variantida to‘xtashga qaror qilishdi. “Manchester Yunayted” ham jamoani kuchaytirishni istayotgandi, Bruno Fernandeshni sotib oldi. Koutino“Liverpul”ga qaytadi degan gap-so‘zlar ham bo‘ldi. Axir, Filippe u erdan ketganku, qaytishi juda noqulay vaziyat bo‘ladi. “Chelsi” ham Azarga o‘rinbosar izlayotgan edi. Lekin London jamoasi yosh va iste’dodli Meyson Mauntga ishonch bildirishga qaror qildi.

Ro‘yxatda “Arsenal” va “Manchester Siti” qoldi. Futbolchi aynan shu klublarning birida faoliyatini davom ettirishi mumkin. Ammo ikkala klub ham tavakkal qilishi dargumon. “Liverpul”dagi Koutino bo‘lganda boshqa gap edi. Yaqin kelajakda Filippe Koutino qaerda to‘p surishi hali-hamon noaniq.