Коутиньо қадрдон жамоасига қайтди

"Астон Вилла" 32 ёшли ярим ҳимоячи Филиппе Коутиньони Бразилиянинг "Васко да Гама" клубига бир мавсумлик ижара асосида ўтганини тасдиқлади.

Коутиньо ўтган мавсумни Қатарнинг "Ал-Дуҳаил" клубида ўтказди. Унинг инглиз клуби билан шартномаси 2026 йилгача мўлжалланган. Қатар чемпионатида бразилиялик футболчи 16 та ўйин ўтказиб, 3 та гол урди ва 2 та голли узатмани амалга оширди.

Маълумот учун, Коутиньо "Васко да Гама" тарбияланувчиси ҳисобланади.