Koutino uchun xech bir klub taklif bilan chiqmadi, "Barselona"ning qanday rejasi bor?

"Barselona" braziliyalik yarim himoyachi Filippe Koutino uchun xaridor topa olmayapti.

Ayni damda "Bavariya"da ijara asosida to‘p surayotgan 27 yoshli futbolchini myunxenliklar ham sotib olish niyatini bildirishmadi.

Marca nashriga ko‘ra, "Barselona"da braziliyalik futbolchini 80 million evroga xarid qilish bo‘yicha taklif ham yo‘q.

Ta’kidlanishicha, agar ishlar shunday davom etadigan bo‘lsa kataloniyaliklar Koutinoni keyingi mavsumda ham ijaraga yuborishni rejalashtirishmoqda.