Криштиану қайтишга шошилмаяпти

"Ювентус" ҳужумчиси Криштиану Роналду клуб ихтиёрига қайтишга шошилаётганича йўқ, дея хабар бермоқда Calciоmercato нашри.

Олдинроқ, туринликлар яқин вақтлар ичида машғулотларни бошлаш ниятидалиги, шу муносабат билан легионерларни клуб ихтиёрига қайтиши кераклиги хабар қилинган эди. Унга кўра, кейинги бир неча кун ичида барча футболчилар "Юве" базасига қайтишлари керак бўлади, бироқ Роналду Португалияни тарк этишга шошилмаяпти. Таъкидланишича, форвард аввало машғулотларнинг бошланиш аниқ вақти маълум бўлганидан сўнггина оиласини тарк этишни режалаштирмоқда.