Кроос: "Реал" — бу ҳақиқий оила"

Тони Кроос Мадриднинг "Реал" клубидаги муҳит ҳақида фикр билдирди.

"Бу ерда шунча йил ўтказгандан сўнг айта оламанки, бу жуда инсоний клуб, ҳақиқий оилага ўхшайди. Ва бу ҳаммаси юқоридан бошланади.

Флорентино Перес мени биринчи кундан қандай кутиб олгани, доимо қандай муносабатда бўлгани — бу фақат менга эмас, балки барча футболчиларга хос. У кийиниш хонасига киргандаёқ буни ҳис қилиш мумкин.

Мен кўплаб жамоаларда бўлганман, кўп футболчилар келди-кетди, лекин бу муҳит ўзгармади. Қийин пайтларда ўзимни ҳимояланган ва қулай ҳис қилдим.

Айнан шу сабаб "Реал"ни ўзига хос клуб деб биламан. Шунинг учун ҳам фаолиятимни айнан шу ерда, энг юқори даражада якунлашни истадим", — деди Кроос.