Куба терма жамоаси мураббийи ўзбекистонлик боксчиларнинг потенциалини қандай баҳолаши,

Айни кунларда бокс бўйича Ўзбекистон ва Куба терма жамоалари Тошкент вилоятида қўшма ўқув-машғулот йиғинини олиб бормоқда.

МОҚ матбуот хизмати Куба жамоаси бош мураббийи Роландо Монтес билан кичик суҳбат ташкил этди.

– Ўзбекистонда йиғин ўтказиш фикри қачон пайдо бўлди?
– Токио Олимпиадасидан сўнг, бу борада атрофлича фикрлашдик ва тахминан 1 ой аввал, якуний қарорга келинди. Ўзбекистон жамоаси билан илиқ муносабатимиз бор. Улар аввал Кубага боришган эди, бу гал биз Тошкентга келдик. Келажакда бу муносабатни янада мустаҳкамламоқчимиз.

 Дастлабки спарринг машқларини ўтказиб олдик. Боксчиларимиздаги потенциални қандай кўряпсиз?
– Ўзбекистон термасининг ҳар қайси ёш тоифасидаги жамоасида жуда катта потенциал бор. Йигитларингиз маҳорат ва техника борасида, шубҳасиз, кучли. Мамлакатингизнинг иқлими, витаминга бой мевалари ва овқатлари боксчиларни янада кучли қилади.

– Об-ҳаво Кубага қараганда бироз совуқ экани салбий таъсир ўтказмаяптими?
– Йўқ, бу катта муаммо эмас. Йиғин профессионал даражада ташкиллаштирилган. Ҳеч қандай муаммога дуч келаётганимиз йўқ. Энг асосийси, Сизларда жуда кучли боксчилар бор. Ўзбек бокси билан тажриба алмашиш биз учун жуда муҳим.

– Сиз фаолиятингиз давомида жуда кўп Олимпия ўйинларида ишлагансиз. Нима деб ўйлайсиз, "Токио-2020" бошқалари билан қандай фарқ қилди?
– Ҳозирда бокс бутун дунёда ривожланмоқда. Жаҳон миқёсида ўтказиладиган мусобақалар савияси, табиийки, бир ҳил даражада эмас. Коронавирус пандемияси билан бу Олимпиада циклида ўзимиз хоҳлаганчалик тайёрлана олмадик. Замонавий спортда юқори даражани ушлаб туриш учун биз ҳам ўз устимизда ишлаб, янгилик қилиб боришимиз керак.

– Машғулотлар давомида кўряпмизки, Рониель Иглесиас кўп бора асосий жамоадан ажралган ҳолда машқ қилмоқда. У билан индивидуал дастур ишланганми?
– Йўқ, у ўзи табиатан шунақа. Рониель жамоамизнинг етакчи вакили. У йиллар давомида олган тажрибаси билан баъзи вазиятларда алоҳида юриб ўзини шундай тайёрлайди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию
&
Бухорий Шариф
18/10/2021 21:41
Кубаликлар Тошкент вилоятида шаммоллаб қолиб Коранаверус бўлдими дийман. Энди 8 та боксчи билан қатнашадими??? Сербияданги ЖЧда ким билади йозиворинглар.???
&
Бухорий Шариф
18/10/2021 21:41
Кубаликлар Тошкент вилоятида шаммоллаб қолиб Коранаверус бўлдими дийман. Энди 8 та боксчи билан қатнашадими??? Сербияданги ЖЧда ким билади йозиворинглар.???