Кубарси жароҳат олиб, майдонни тарк этди

"Барселона" ва Испания терма жамоаси ҳимоячиси ҳисобланган Пау Кубарси Нидерландияга қарши баҳсда жароҳат олиб, сафдан чиқди. 
 
Гап шундаки, Миллатлар лигаси чорак финалдан ўрин олган Нидерландия ва Испания клублари ўртасидаги баҳснинг 41-дақиқасида Кубарси жароҳат олди. Мураббийлар штаби эса фулбекни хавф остига қўймасдан захира ўриндиғига олишди. Унинг ўрнига "Борнмут" ҳимоячиси Дин Ҳуйсен ўйинга қўшилди. 
 
"Sport" нашрининг маълумотига кўра, Пау тўпиғидан жароҳат олиб, 2-4 ҳафта майдонга туша олмайди. Ўйиндан кейин дастлабки текширув натижаларидан сўнг барчаси маълум бўлади. 
 
Бир неча кун олдин эса "Атлетико"га қарши беллашувдан сўнг "кўк-анорранглилар"нинг яна бир ҳимоячиси ҳисобланган Иньиго Мартинес ҳам жароҳат олиб, сафдан чиққан эди. 
 
Маълумот ўрнида, Испания терма жамоаси Нидерландияга қарши жавоб баҳсини 23 март куни ўтказади.