Кулибалига "Челси"га ўтишни ким маслаҳат берди?

"Челси"нинг янги ҳимоячиси Калиду Кулибали журналистларга Лондон клубига ўтиши тафсилотлари ҳақида гапириб берди.

“Жоржиньо менга СМС ёзди ва “Челси”га ўтишни хоҳлайсанми деди? Ўшанда "Челси" менга қизиқаётганига ишончим комил эмас эди, лекин мен бу жамоага қўшилишдан хурсанд бўлишимни айтдим.

Энди мен шу ердаман ва бу ҳаяжонли саёҳатни бошлаганимдан жуда хурсандман. Жамоа ажойиб кўринмоқда. Таркибда ёш ва тажрибали ўйинчилар тўпланган", - деди Кулибали.

Калиду ўтган мавсум “Наполи” сафида А Серияда 27 та ўйинда майдонга тушиб, 3 та гол урди ва 3 та голли узатмани амалга оширди.