Куман “Ливерпуль”ни трансферга кўндирди

Рональд Куман Нидерландия терма жамоасидаги шогирди Жоржиньо Вейналдумни “Барселона”га олиб ўтиш масаласини ҳал қилди.

“Ливерпуль” бу футболчи трансфери учун 15 миллион евро ва яна 5 миллион евро бонус оладиган бўлди. 29 ёшли футболчига каталонияликлар 3+1 схемаси бўйича шартнома таклиф қилган. Шунингдек, футболчи янги клуби билан шахсий шартнома шартларини келишиб олганлиги ҳам айтилмоқда.  

Рональд Куман тажрибали футболчи “Барселона”нинг майдон марказидаги устунлигини таъминлай олишига ишонмоқда.