Куртуа Чалҳаноғлу жарима зарбасидан сўнг «Реал»ни қандай қутқарганини очиқлади

«Реал» (Мадрид) дарвозабони Тибо Куртуа «Интер» яримҳимоячиси Ҳакан Чалҳаноғлунинг жарима зарбасидан кейин амалга оширган ажойиб сейви ҳақида фикр билдирди.

«Ўтган “эль класико”да Рашфорд менинг бурчагимга гол урганди. Зарбаси жуда аъло чиққан, лекин ўшанда мен бироз марказга силжиб кетганман. Жаҳон чемпионатида Ямаль жарима зарбасини йўллаганда эса жойимни тарк этмаганман ва жамоамни қутқарганман. Энди ҳам худди шундай йўл тутдим. Агар у девор устидан ошириб гол урганида, қўл сочиб олқишлаш керак эди. Лекин мен эндиликда ўз бурчагимни ташлаб кетмайман», — деди Куртуа учрашувдан сўнг.

Европа чемпионлар лигаси умумий босқичи биринчи туридан ўрин олган «Реал» — «Интер» баҳси мадридликларнинг 2:1 ҳисобидаги ғалабаси билан якунланди. Кейинги турда «қорaқандалар» 14 октябрь куни сафарда «Рома»га қарши майдонга тушади.