Kutib oling, xokkey bo‘yicha jahon chempionlari...

Xokkey bo‘yicha Jahon chempionati final uchrashuvi bo‘lib o‘tdi. Unda mezbon Finlyandiya terma jamoasi kanadalik xokkeychilar bilan kuch sinashdi. 

Qiziqarli va shiddatli kechgan bahsning asosiy vaqtida 3:3 hisobi qayd etildi. Overtaymlarda esa finlyandiyalik xokkeychilar bir bora raqib darvozasiga shayba kiritdi. 

Shu tariqa, "suomilar" o‘z tarixida to‘rtinchi marta Jahon chempioniga aylandi. 

3-o‘rin uchun kechgan bellashuvda Chexiya terma jamoasi AQSh xokkeychilariga qarshi "muz"ga chiqdi va 8:4 hisobida zafar quchib, musobaqa bronza medallariga ega chiqdi.