Кутилмаган қарор: Испания терма жамоаси “Реал” ўйинчиларидан нега воз кечди?

Испания терма жамоаси бош мураббийи Луис де ла Фуэнте УЕФА Миллатлар лигасининг навбатдаги ўйинчиларига жалб қилинадиган ўйинчилар рўйхатини эълон қилди.

Унга кўра, таркибга амалдаги чемпион – “Реал”нинг бирорта ўйинчиси таклиф қилингани йўқ.  Улар ўрнига терма жамоада  уч нафар янги футболчи – Саму Омородион, Айтор Паредес ва Марк Касадо кўрикдан ўтадиган бўлди.

Умумий таркиб қўйидагича кўриниш олди.

Дарвозабонлар: Давид Райя ("Арсенал"), Алекс Ремиро ("Реал Сосьедад"), Роберт Санчес ("Челси");

Ҳимоячилар: Педро Порро ("Тоттенхэм"), Оскар Мингеса ("Сельта"), Дани Вивиан ("Атлетик"), Эмерик Лапорт ("Ан-Наср"), Пау Торрес ("Астон Вилла"), Марк Кукурелья ("Челси"), Алекс Гримальдо ("Байер"), Айтор Паредес ("Атлетик");

Ярим ҳимоячилар:  Микель Мерино ("Арсенал"), Мартин Субименди ("Реал Сосьедад"), Фабиан Руис (ПСЖ), Педри ("Барселона"), Дани Ольмо ("Барселона"), Алекс Баэна ("Вильярреал"), Марк Касадо ("Барселона");

Ҳужумчилар: Альваро Мората ("Милан"), Ламин Ямаль ("Барселона"), Нико Уильямс ("Атлетик"), Йереми Пино ("Вильярреал"), Микель Ойарсабаль ("Реал Сосьедад"), Айосе Перес ("Вильярреал"), Саму Омородион ("Порту"), Брайан Сарагоса ("Осасуна").

Бош мураббий Луис де ла Фуэнте “Барселона” вакили Марк Касадо мавсум кашфиётига айлангани учун уни синаб кўриш мақсадида таклиф қилди. Саму Омородион “Порту” сафида 12 та учрашувда 11 та гол урганидан кейин унга терма жамоа эшиклари очилди. Айтор Паредес эса “Барса” ўйинчиси Пау Кубарси жароҳат олгани сабабли унинг ўрнини эгаллади.

Испания терма жамоаси 15 ноябрь куни сафарда Данияга, орадан уч кун ўтиб, ўз майдонида Швейцарияга қарши саф тортади.