Кутилмаган трансфер: Куртуа “Реал”дан бошқа суперклубга ўтадиган бўляпти

“Реал”нинг сўнгги йиллардаги асосий дарвозабони Тибо Куртуа мавсум охирида клубни тарк этиши мумкин. 

Defensa Central нашрига кўра, бельгиялик дарвозабонни ПСЖ ўз сафига қўшиб олишга қарор қилди. Парижликлар Италия терма жамоаси посбони Жанлуижи Доннарумманинг ўйинидан умуман қониқмаяпти. 

ПСЖга Европа футболига мослашан, тажрибали ва ишончли дарвозабон керак. Ёзда жамоага қўшиб олинган россиялик Матвей Сафонов ҳали у даражага етгани йўқ. 

Шу боис, ПСЖ Тибо Куртуани нишонга олди. Мадридликлар эса, ўз дарвозабонидан воз кечмоқчи эмас. Тибонинг амалдаги шартномаси 2026 йилнинг ёзида тугайди. 

“Реал” мутасаддилари 2018 йилдан бери жамоа дарвозасини барқарор қўриқлаб келаётган 32 ёшли голкиперга янги шартнома таклиф қилишга тайёргарлик кўрмоқда.