Кёрлинг бўйича жаҳон чемпионати якунланди. Совриндорлар билан танишинг

Жорий йилнинг 2-11 апрель саналарида Канада мезбонлик қилган кёрлинг бўйича эркаклар ўртасидаги жаҳон чемпионати мусобақаси ўз якунига етди. Тарихда илк бор 14 та давлат терма жамоаси иштирок этган жаҳон биринчилигида Швеция вакилларининг қўли баланд келди. 

Чемпионлар финалда шотландиялик спортчилар устидан 10:5 ҳисобида устун келди. Учинчи ўрин учун кечган баҳсда Швейцария Россиядан ташриф буюрган эркин спортчилар жамоаси устидан 6:5 ҳисобида ғалаба қозонди. 

Мусобақанинг энг яхши спортчиси сифатида Оскар Эрикссон қайд этилди ва Колли Кэмпбелл номли мукофотга эга чиқди. 

Осиё қитъаси номидан турнирда Япония, Жанубий Корея ва Хитой иштирок этди. Аммо ҳеч бири плэй-офф йўлланмасини қўлга кирита олмади.