Ла Лига. 10 киши ўйнаган "Реал" мавсумдаги 4-мағлубиятини қабул қилиб олди

Испания Ла Лигаси 21-тур учрашувлар бўлиб ўтмоқда. Амалдаги чемпион "Реал" ўз майдонида "Леванте"ни қабул қилди. Ўйин меҳмон жамоанинг 2:1 ҳисобидаги ғалабаси билан якунланди.

Ҳисобни тезкор гол билан Марко Асенсио очди. Крооснинг узатмасидан кейин бирга-бир вазиятга чиқиб борган испаниялик дарвозабонга имконият қолдирмади. Меҳмонлар орадан кўп ўтмай тарози паллаларини тенглаштиришга муваффақ бўлди. Хосе Луис Моралес гол муаллифи. Ўйиннинг 64-дақиқасида мадридликлар дарвозаси томон пенальти белгиланди. Нуқта қаршисига келган Рохер Марти Куртуага енгилди. Шунга қарамай, айнан Марти 78-дақиқада жамоасига муҳим 3 очко келтирган голни киритди.

Мавсумдаги 4-мағлубиятини қабул қилиб олган "қаймоқранглилар" очколари сони 40 талигича қолди. Ҳозирча, мадридликлар онлайн жадвалда 2-ўринда бормоқда. Меҳмондан ғалаба билан ортга қайтадиган "Леванте" ҳисобида 26 очко мавжуд.

• 90+4'
  

  Учрашув якунланди! "Реал" ўз уйида бир киши кам бўлиб қолган ҳолда минимал ҳисобда мағлуб бўлди. Матнли трансляцияни Абдулла Маннонов олиб борди. Эътиборингиз учун раҳмат!

• 90+3'

  Ферлан Менди ҳужумда фол қайд этди.

• 90+1'

  Энис Бардининг унчалик кучли бўлмаган зарбаси дарвоза устунига тегди.

• 90+'
  

  Учрашув асосий вақтига 4 дақиқа қўшиб берилди.

• 90'
  

  Каземиро сариқ карточка билан огоҳлантирилди.

• 89'

  Тони Кросс ҳужумда фол қайд этди.

• 87'

  Лука Модрич жарима майдончаси ичига ажойиб узатма амалга оширди, бироқ ҳимоячилар тўпни узоқлаштиришди.

• 84'
  

  "Леванте"да ҳам ўзгариш: Марти Рохер ўрнига Рубен Везу ўйинга қўшилди.

• 83'
  

  "Реал"да яна юир ўзгариш: Карим Бензема ўрнига Мариано Диас ўйинга қўшилди.

• 82'
  

  "Реал" сафида ўзгариш: Марко Асенсио ўрнига Серхио Аррибас ўйинга қўшилди.

• 81'

  "Реал" футболчилари гол ўтказиб юборганидан сўнг ўйин темпини янада оширди. Прессинг юқори.

• 78'
  

  ГОООООООООООООООООЛЛЛ!!! "Леванте" ҳисобда олдинга чиқиб олди! Марти Рохернинг ажойиб зарбаси олдида Куртуа ожиз қолди.

• 75'
  

  Тони Кросс бурчакдан тўпни ўйинга киритиб беради

• 74'

  Марко Асенсио жарима майдончаси ичига ажойиб узатма амалга оширди, ҳимоячилар тўпни майдон ташқарисига чиқариб юборди. Бурчак тўпи.

• 72'
  

  Гонсало Мелеро сариқ карточка билан огоҳлантирилди.

• 70'
  

  Кросс амалга оширган бурчак тўпидан сўнг хавфли вазият юзага келди. Бироқ якун мадридликларнинг фойдасига ишлади.

• 67'

  Энис Бардининг бурчакдан узатган тўпига ҳеч ким эга чиқа олмади.

• 64'
  

  Марти Рохер пенальтидан унумли фойдалана олмади! Куртуадан дахшатли сейв!

• 63'
  

  Пенальти! "Реал" дарвозасига пенальти белгиланди! 

• 61'
  

  "Реал" ҳам ўзгаришларни амалга оширади: Азар ўрнига Винисиус Жуниор ўйинга қўшилди.

• 61'
  

  "Леванте"да яна бир ўзгариш: Серхио Леон ўрнига Энис Барди ўйинга қўшилди.

• 60'
  

  "Леванте"да ўзгариш: Микаэль Мальса ўрнига Рубен Рочина ўйинга қўшилди.

• 58'

  Лука Модрич ва Рафаель Варан ажойиб шериклардек ҳаракат қилишди, футболчиларнинг бу ҳаракати "тики-така"ни эслатиб юборди.

• 56'
  

  Моралес яна бир бор бурчакдан тўпни ўйинга киритиб беради.

• 53'

  Асенсио жарима майдони ичидаги Бенземага тўпни ошириб берди, бироқ Бензема зарба бера олмади. Ҳимоячилар фаоллик қилишди.

• 50'
  

  "Леванте" аъзоси Микаэль Мальса сариқ карточка олди.

• 49'
  

  Моралес бурчакдан тўпни ўйинга киритиб беради.

• 48'

  Жозе Моралес жарима майдони ичига ажойиб узатма амалга оширди, бироқ унга эга чиқувчи футболчи топилмади.

• 46'
  

  2-бўлим бошланди!

• 45'

  Футболчилар майдонга қайтишмоқда. Биз ҳам қайтамиз.

• 45+1'
  

  Биринчи бўлим якунланди! Танаффус.

• 45+'
  

  Биринчи таймга 1 дақиқа вақт қўшиб берилди.

• 43'
  

  Карлос Клерк бурчакдан тўпни ўйинга киритиб берди, бироқ муваффақиятсиз.

• 41'

  Карлос Клеркнинг берган зарбаси чап устунга тегди!

• 40'

  Моралес ҳужумда фол қайд этди.

• 38'

  Бензема жарима майдончаси ичида йиқилиб тушди, ҳамма пенальтига ишора қилганди, бироқ ҳакам ўйинни давом эттиришга руҳсат берди!

• 36'

  Хорхе Мирамон ўта кучли узатма амалга оширди, унга ҳеч ким эга чиқа олмади.

• 33'
  

  ГОООООООООООЛЛЛ!!! Шунчаки жарима майдони ичига ёриб кирилди ва дарвозанинг тўққизлик бурчаги ишғол қилинди! Моралес гол муаллифи. 1-1!

• 31'

  Жозе Моралес жарима майдончаси ичига ажойиб узатма амалга оширди, Куртуа унга эрта эга чиқди.

• 28'

  Серхио Постиго (Леванте) ўйин қоидасини қўпол тарзда бузди!

• 26'

  "Леванте" аъзоси Мартин Рухер жарима майдончаси ичига тўпни узатди, Куртуа унга ҳаммадан биринчи эга чиқди.

• 23'

  Азар ва Асенсио "девор" услубида ажойиб ўйнашди, хавфли ҳужум ташкил этилиши мумкин.

• 20'
  

  "Леванте" бурчакдан тўпни ўйинга киритиб беради.

• 18'

  Хорхе Мирамон жарима майдончаси ичига узатма амалга оширди, бироқ ҳимоячилар фаол ўйнади.

• 16'

  "Реал" ажойиб жамоавий ўйин кўрсатмоқда. 10 киши бўлиб қолганига қарамай, "Бланкос" ўйинда устунликка эришмоқда.

• 12'
  

  Куртуадан даҳшатли сейв! Дарвозабон бирозгина кечикканда гол бўлиши шубҳасиз эди!

• 11'
  

  Қизил карточка! Милитао майдонни тарк этади!

• 10'

  ВАРдаги видеотакрорга мурожаат давом этмоқда.

• 9'

  ВАР! Бош ҳакам ВАРга мурожаат қилади! Эдер Милитао рақибига нисбатан ўта қўпол тарзда ўйин қоидасини бузди ва қизил карточка кўрсатилиши мумкин!

• 6'
  

  "Леванте" бурчакдан тўпни ўйинга киритиб беради.

• 4'

  Бензема жарима майдончаси ичига узатма амалга оширди, бироқ ҳимоячилар уни бартараф этди.

• 2'

  Лука Модрич ва Каземиро тандемда ажойиб ўйнашди, улар ташкил этган ҳужум ҳам анча хавфли чиқди.

• 1'
  

  Ҳакам хуштаги янгради ва учрашувга старт берилди

• 0'

  Ассалому алайкум қадрли футбол мухлислари бироздан сўнг "Реал" ва "Леванте" жамоалари ўртасидаги ўйин бошланади. Баҳсни сизлар билан бирга Абдулла Маннонов кузатиб боради