Ла Лига президенти катта турнирнинг тугатилишини истаяпти

Ла Лига президенти Хавьер Тебас клублар ўртасидаги Жаҳон чемпионати ҳақида кескин фикр билдирди. Шунингдек, у мусобақани томоша қилишни хоҳламаслигини айтди.

- Менинг мақсадим - ушбу турнирни бутунлай тугатиш, улар бошқа ўтказилмаслиги учун. Сабаби, бу мусобақага ҳеч қандай эҳтиёж йўқ. Биз футбол экотизими ва барқарорлигини сақлаб қолишимиз зарур.

Мен турнир ўйинларини томоша қилмайман. Кеча "Челси" иштирокидаги баҳсни озгина кўрдим ва бу ёзги ўртоқлик ўйинига ўхшаб кетди. Ўйинни кузатиш давомида ҳеч қандай шиддат сезмадим, - деди Тебас.

Бундан ташқари, Ла Лига президенти "Реал" ёки "Атлетико" клублар ўртасидаги Жаҳон чемпионатининг финал босқичига чиқса, Испания чемпионати бошланиши кечиктириладими ёки йўқми, ҳали номаълумлигини айтди.