Ла Лига президенти Тебас «Реал»нинг истеъфо талабига жавоб берди

«Ла Лига» президенти Хавьер Тебас «Реал» клубининг уни истеъфога чиқишга чақирувига жавоб қайтариб, ўзининг асосий вазифаси мусобақада иштирок этаётган барча жамоалар тенглигини ҳимоя қилиш эканини, алоҳида бир грант клуб манфаатларига бўйсуниш эмаслигини таъкидлади.

«Клуб манфаатларини ҳимоя қилиш – унинг риторикасини такрорлаш дегани эмас. Барча иштирокчиларни ифодалаш эса энг кучли клубга бўйсунишни англатмайди. Мен «Ла Лига»нинг эгаси эмасман ва уни гўё бир клубга тегишли ташкилотдек бошқариш ниятим йўқ. Ҳеч кимга бўйсунаман», – деб ёзди Тебас ижтимоий тармоқда.

Унинг сўзларига кўра, мадридликлар клуб телеканали орқали йиллар давомида ҳакамларга нисбатан ғаразли муносабат мавжудлиги ҳақидаги фикрни оммага сингдириб келмоқда ва шу йўл билан бошқа муаммолардан эътиборни четга олиб қочмоқда. Лига раҳбари таъкидлашича, мустақиллик – барча жамоалар учун бир хил қоидаларга амал қилишни талаб қилади, бу позиция «Реал»га ёқмасада, ундан чекиниш нияти йўқ.

Эслатиб ўтамиз, «Атлетико»га қарши дербидан (1:2) сўнг Жозе Моуриньо ҳакамлар ишини қаттиқ танқид қилган, Диего Симеоне эса рақиб мураббийни ҳурмат сақлашга чақирган эди. Шундан кейин Тебас «Реал»ни ҳакамларга босим ўтказишда айблади, мадридликлар эса жамоатчилик олдида «Ла Лига» раҳбариятини алмаштиришни талаб қилди.