Laporta Olmo va Viktor borasidagi vaziyatlarga oydinlik kiritdi

Joan Laporta Dani Olmo va Pau Viktor ishi bo‘yicha qabul qilingan qaror haqida o‘z fikrini bildirdi.

- So‘nggi ikki hafta ichida ushbu holat bo‘yicha tasdiqlangan va inkor etilgan ikkita voqea sodir bo‘ldi. Umuman olganda, bularning bari klubning kuchli ekanligini bildiradi. Shuningdek, ular bilmasdan yoki niyati buzuqlik bilan aytilgan bayonotlarni ham rad etadi.

Birinchidan, biz "1 x 1" qoidasiga qaytdik va yana shartnomalarni odatdagi tartibda imzolamoqdamiz. Bu bizga Dani Olmo va Pau Viktor kabi o‘yinchilarni ro‘yxatdan o‘tkazish imkonini beradi. Ushbu qoidaga qaytish uchun biz "Nike"ga o‘xshash shartnomalar tuzishga majbur bo‘ldik. Bu futbol olamidagi kiyim brendi bilan imzolangan eng yaxshi shartnoma hisoblanadi. Shuningdek, klubning obro‘si yomon va uni yomon boshqarishmoqda, deb aytganlarning so‘zlarini ham inkor etadi, - dedi "Barselona" prezidenti.

Eslatib o‘tamiz, avvalroq, sport bo‘yicha oliy kengash "Barselona"ga ushbu futbolchilarni mavsumning ikkinchi yarmi uchun vaqtinchalik ro‘yxatdan o‘tkazishga ruxsat bergan edi.