Лаутаро Мартинес терма жамоадаги голсиз сериясига нуқта қўйди

Халқаро ўртоқлик ўйини доирасида Аргентина терма жамоаси Коста-Рикага қарши баҳс олиб борди. Унда амалдаги жаҳон чемпионлари 3:1 ҳисобида зафар қучди. 

"Кумушранг ўлка" сафида голларга Анхель Ди Мария, Лаутаро Мартинес ва Алексис Маккалистер муаллифлик қилди. Шимолий америкаликларнинг ягона голини Манфред Угальде киритди.

Шу тариқа, Лаутаро терма жамоадаги 16 учрашувдан иборат голсиз сериясига нуқта қўйди. 26 ёшли форвард терма жамоаси учун сўнгги бор 2022 йил сентябрь ойида Гондурас билан ўртоқлик учрашувида (3:0) гол урган эди.

Италия чемпионатининг жорий мавсумида Мартинес 26 учрашувда 23 та гол урди.