Леандро Паредес: Испания ЖЧ-2026 финалида Аргентинадан кучлироқ бўлди ва ҳақли равишда ютиб чиқди

Аргентина терма жамоаси ярим ҳимоячиси Леандро Паредес жаҳон чемпионати — 2026 финали атрофида пайдо бўлган турли “сиясий ўйинлар” ва фитна назариялари ҳақида фикр билдирди. 19 июль куни бўлиб ўтган ҳал қилувчи баҳсда Испания терма жамоаси Аргентина устидан 1:0 ҳисобида ғалаба қозонган эди.

«Эшитаётган гап-сўзларингизга қараб, ақлдан озишингиз ҳам мумкин. Жаҳон чемпионати олдидан, унинг давомида ва ундан кейин айтилган нарсалар… Менимча, биз жуда кучли жаҳон чемпионатини ўтказдик. Финалда Испания Аргентинадан кучлироқ ўйнади. Улар муносиб ғолиб. Биз ҳозир фақат битта нарсадан мамнун бўлишимиз мумкин – бу қилган меҳнатимиз ва сўнгги саккиз йилда эришган ютуқларимиз. Бу ҳақиқатан ҳам таассурот қолдиради. Бу жамоанинг бир қисми бўлиш мен учун шараф. Вақт ўтиши билан бунинг қанчалик беқиёс эканини янада яхши тушунамиз», — дея Паредеснинг сўзларини келтиради Ole нашри.