Леау чемпионликни мақсад қилган клубга ўтмоқчи

Рафаэль Леау чемпионликни мақсад қилган клубда тўп тепишни хоҳламоқда.

"Милан"нинг Чемпионлар лигасидан чиқиб кетиши клубнинг португалиялик етакчиси Леау учун кутилмаган зарба бўлди. Шу сабабли, Леаунинг жамоани тарк этиши ҳақидаги миш-мишлар тарқалмоқда.

Унинг келажакдаги кейинги жамоаси "Барселона" бўлиши мумкин. "El Nacional" нашрининг хабар беришича, Леау Чемпионлар лигасини ютиш имкониятига эга бўлган клубда ўйнашни хоҳламоқда. Айнан шу сабабли унинг агенти Жорже Мендеш Испаниянинг нуфузли клуби билан шартнома тузиш учун ҳаракат қилмоқда.

Айни пайтда Леау хизматларига бошқа жамоалар ҳам қизиқмоқда. Жумладан "Бавария", шунингдек, Англия Премьер-лигасидан "Арсенал" ва "Челси" клублари футболчини таркибда кўриш истагида.