Легионерга айланаётган ўзбекистонлик футболчилар жамоаларига керак эмасми? Нега улар ижарага бериб юборилмоқда?

Трансферлар ойнаси пайти футболчиларнинг жамоаларини ўзгартириши одатий ҳол. Ўз навбатида, ҳамюртларимиз ҳам хорижга йўл олмоқда. Вакилларимиз легионерга айланяпти. Бироқ кўп ўтмай, улар ортга қайтади ёки охирги пайтларда бошқа жамоага ижарага бериб юборилмоқда. Бир сўз билан айтганда, кераксиз, захира вариант сифатида жамоага жалб қилинаётгандек.

Бунга етарлича мисол келтиришимиз мумкин. Масалан, араб давлатига кетганлар ярим мавсумда ортга қайтганларини кўрдик. Россияга бориб ҳали расмий ўйинда қатнашмасдан бошқа клубга йўл олганларни ҳам. Ёки Премьер-лиганинг кучлироқ клубига бориб, захирада ўтирганлар бор. Бу нимани англатади? Бу футболчиларимизда ҳали чет элда ўйнаш учун салоҳият етарли эмаслигидан, назаримизда. Чунки ўтган йили жуда кўп реклама қилинган Жасур Жалолиддинов Москванинг “Локомотив”ига бориб, ўртоқлик учрашувидан сўнг, “Тамбов”га ижарага бериб юборилди. Ушбу клубда молиявий инқироз туфайли фаолияти узоққа сўзилмасдан юртимизга қайтиб келди.

e9f980b66c135e1285811520ae891fe65f9427357c870716279548

Остон Ўрунов “Спартак” аъзосига айланди. Аввалига ярим ҳимоячимизга москваликлар айрим беллашувларда имконият бераётганди. Аммо кейин...

Ўрунов “Спартак” клубига кўчиб ўтганда, кўпчилик ундан “Уфа”даги ўйинларини кутганди. Бироқ якунда ундай бўлмади. Анча вақт ҳамюртимиз эътибордан четда юрди. Мана энди “Спартак” Ўруновни хориж йиғинига олиб кетди. Кўрамиз, унинг кейинги тақдири қандай кечаркин. Ҳар ҳолда жамоа таркибга бошқа легионерларни тинмай жалб қилмоқда...

ElqsClWX0AI16KJ

Достон Ҳамдамов. “Пахтакор”нинг собиқ вакили БААнинг “Ал-Наср” клуби билан шартнома имзолади. Ҳамдамов Дубай жамоаси билан бир ярим йиллик битим тузганди. Лекин “Ал-Наср” жазоирлик Меҳди Обеидни трансфер қилгани боис ҳамюртимизни чемпионат бошқа иштирокчиси, айни пайт турнир жадвалида охирги ўринда бораётган "Ҳатта" жамоасига ижарага берди. “Ал-Наср” Обеид сафга қўшиб олингани учун уни Ҳамдамов ўрнига рўйхатдан ўтказиши маълум қилди.

EtEcKZ-W4AASb2a

Жалолиддин Машариповнинг трансфери шу қадар узоқ чўзилдики, ҳатто сериаллар ҳам бу даражада кўп бўлмайди. Унга қизиққан жамоалар талайгина. Машарипов бўлди, янги жамоа билан келишди, дейилгандан кейин ҳам шартнома имзолаш жараёни чўзилди. У ҳам майли, Саудия Арабистонининг “Ан-Насср” клуби Жалолиддинни тўсатдан Бирлашган Араб Амирликларига қўйиб юборди. Ҳамюртимиз “Шабаб Ал-Аҳли” клубида ижара асосида мавсум охирига қадар тўп тепади.

Бунга сабаб сифатида “Ан-Насср” клубдаги хорижлик футболчилар лимити туфайли ёки молиявий ҳолатдан келиб, чиқиб шундай йўл тутгани айтилган. Бироқ нима бўлишидан қатъий назар етакчи футболчимизга янги жамоасида жой топилмади. Ҳар ҳолда ундан янада каттароқ клубга ўтиши кутилганди.

Es_ZDIDXMAUHzD2

Афтидан хориж клублари футболчиларимизга асосий таркибдан жой беришни таклиф қилмаётган кўринади. Чунки улар ҳали клубга қўшилмасидан бошқа жамоага ижарага бериб юборяпти. Айримларида уларнинг ўзига боғлиқ бўлмаган воқеалар юз бермоқда. Лекин барибир ўзингиз ўйланг, агар етакчи ўйинчиларимиз билан шундай ҳолатлар бўляптими, демак, бизга нисбатан ишончсизлик бор. Акс ҳолда бу ҳолатларга дуч келмасдик.

Тўғри, чет элда омади чопаётган футболчиларимиз ҳам етарли. Элдор Шомуродов Италиянинг "Женоа" клубида, Отабек Шукуров ва Азиз Ғаниев БААнинг "Шаржа" ва "Шабаб Ал-Аҳли" жамоасида муваффақиятли ўйнамоқда. Аммо бошқа етакчи футболчиларимиз билан содир бўлаётган воқеалар кишини ўйлантириши табиий. Футболчилар катта клубларга ўтишдан аввал у ерда фаолият юрита олишга қодирлигини ўйлаб кўрса ўзи учун фойдали бўларди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Akmal ismail
02/02/2021 22:08
Буни узбек футболини синдириш дейилади
Наркобилов Суюн
02/02/2021 13:34
Futbolchilarimiz uz imkonyatini yuqori baholamoqda,sharmanda
&
Shaymardonov Nurbek Nasimovich
02/02/2021 13:00
Etakchi deganga sela nimani tushunasizla bilmadim. maydonga bir ikkita aldap tup oshirsa. etakchi bulib qolmaydiki. oddiy misol. Doston ham Masharipov ham. Nasafka qarshi hech narsa qilib olmadiki. Azizga kelsak. u bola toplangan maydondan tashqariga ham hamma jihatlama chunki Nasafka har hil holatka kunikkan. va hamroylariga hamisha shay yordomga. keyin Maktab kurgan bola u. uzi ohirgi 10 yil Nasaf har taraflama bir bosh ustin hamma kamandadan uyin taraflama taktika taraflama.