Легионеримиз “Барса” тарбияланувчиси билан ўйнайди

Россия Премьер-лигаси вакили “Пари Нижний Новгород” таркибига камерунлик ҳимоячи Маки Баньякни қўшиб олди.

27 ёшли футболчи “Барселона” тарбияланувчиси ҳисобланади.  У 2008-2016 йиллар давомида Каталония клуби тизимида фаолият кўрсатган. “Барселона”нинг иккинчи жамоаси сафида 43 та ўйинда қатнашиб, битта гол ҳам урган.

“Барселона”нинг асосий таркибига кира олмаган футболчи кейинчалик “Нант”, “Сарагоса”, “Адмира”, “Олимпия”, “Партизан” ва “Қайрат” клубларида ўйнади.

Новгородликлар марказий ҳимоячини қозоқ клубидан ижарага олди ва футболчи ишончни оқласа, россияликлар мавсум охирида уни тўлиқ трансфер қилиши мумкин.

Эслатиб ўтамиз, легионеримиз Иброҳимхалил Йўлдошев “Нижний Новгород”нинг асосий ўйинчиларидан ҳисобланади. Бу клуб ўзбек футболининг яна бир тарбияланувчиси – Русланбек Жиянов билан ҳам шартнома тузишга қарор қилган.