Легионеримиз майдонга тушгач, унинг жамоаси иккита гол уриб ғалаба қозонди

Жанубий Кореянинг “Чоннам Драгонс” жамоасида тўп сураётган ҳамюртимиз Олег Зотеев Кей-2 лигасининг навбатдаги турида “Бочеон-1995”ни қабул қилиб 2:0 ҳисобида ғалаба қозонди. Зотеев эса ушбу баҳсда иккинчи бўлимда захирадан майдонга тушди.

- “Бочеон-1995”га қарши ўйиннинг 51-дақиқасида майдонга тушдим. Шундан кейин биз иккита гол уриб ғалаба қозондик, ҳаммаси жойида. Бундан олдин эса, Кубок учрашувида иштирок этгандик ва ўша баҳсда 120 дақиқа давомида ўйнагандим. Лекин ўшанда Кей-1 етакчиларидан бири “Чонбук Моторс”га қўшимча вақтларда 2:3 ҳисобида ютқаздик. Шунинг учун мураббийимиз навбатдаги учрашувда беш нафар ўйинчини захирада қолдириб, ротация қилди. Ахир уч кун ичида иккита ўйин ўтказиш осон эмас, - деди Олег Зотеев.

Матнда хатолик топсангиз, ўша хатони белгилаб, бизга жўнатинг (Ctrl + Enter)