Легионеримиз. Шукуров тўлиқ ўйнаган баҳсда "Шаржа" аутсайдер майдонида очко йўқотди

Бирлашган Араб Амирликлар чемпионатининг 8-туридан ўрин олган "Ал-Уроба" ва "Шаржа" жамоалари иштирокидаги ўйин якунланди. Мазкур баҳсда клублар 2:2 ҳисобида жанговар дурангга имзо чекишди.

Шаржаликлар сафида ҳаракат қилаётган легионеримиз Отабек Шукуров бошланғич таркибда майдонга тушиб, тўлиқ ўйнади. Айнан ҳамюртимиз бошлаган ҳумуждан сўнг жамоадошлари учрашувдаги биринчи голни уришга эришди. 54-дақиқада ярим ҳимоячимиз ҳакам томонидан огоҳлантирилди.

Маълумот учун, "Шаржа" айни дамда турнир жадвалида 13 очко билан 5-ўринда бормоқда. 18-ўриндаги "Ал-Уроба" очколар сонини 4тага етказиб олди.