Legionerimiz to‘liq harakat qilgan bahsda jamoasi yutqazib qo‘ydi

Qozog‘iston chempionati 2-turi doirasidagi "Taraz" - "Ordabasi" uchrashuvi nihoyasiga etdi. Unda mezbonlar 1:0 hisobida zafar quchdi.

Bahs taqdirini hal etgan yagona gol 20-daqiqada Abilayxan Jumabek tomonidan kiritildi. O‘yinni asosiy tarkibda boshlagan legionerimiz Odil Abdumajidov to‘liq harakat qildi.

Mazkur g‘alaba natijasida "Taraz" ochkolari sonini 4 taga etkazib olgan holda, 2-o‘ringa ko‘tarilib oldi. 10-pog‘onadagi "Ordabasi" 1 ochko jamg‘argan.