Легионеримизнинг дубли жамоасига чемпион устидан ғалаба келтирди

Мавсумлар оралиғидаги танаффусдан унумли фойдаланаётган клублар ўртоқлик учрашувларида майдонга тушмоқда.

Легионерларимиз ҳаракат қилаётган "Энергетик-БГУ" ҳамда "Шахтёр" жамоалари ўзаро баҳс олиб борди. Баҳс номинал мезбонларнинг 4:2 ҳисобидаги ғалабаси билан якунланди. Эътиборлиси, "Энергетик" сафида тўп тепаётган легионеримиз дубль қайд этди.

Бобир Абдухолиқов 71 ва 73-дақиқаларда солигорскликлар дарвозасини ишғол этиб, жамоаси ғалабасини таъминлади. Маълумот учун, "Шахтёр" Беларусь чемпионатининг амалдаги чемпиони ҳисобланади.