Легионерларимиз. Бугун Ҳусанов, Файзуллаев ва Алиқулов жамоаси ўйнайди

Лига 1.

Бугун Франция чемпионати 1-тур ўйинлари давом эттирилади. Легионеримиз Абдуқодир Ҳусанов ҳаракат қилаётган "Ланс" сафарда "Брест" меҳмони бўлади. Учрашув Тошкент вақти билан 16:00да старт олади. Вакилимиз жамоанинг қайдномасидан ўрин олган ва "Ланс"да расмий ўйинда дебют  ўйинини ўтказиши кутилмоқда. 

РПЛ.

Бугун Россия премьер лигасининг 4-тур баҳслари ўтказилади. ЦСКА ўз уйи "ВЭБ Арена"да "Сочи"ни қабул қилади. Беллашув 22:00да бошланиши режалаштирилган.  Ўзбекистонлик футболчи Аббосбек Файзуллаев бу баҳсда дебют қилиши кутилмоқда. 

Қозоғистон чемпионати.

Бугун Қозоғистон чемпионати баҳслари ҳам бўлиб ўтади. Легионерларимиз Шаҳбоз Умаров ва Бобир Абдихолиқов ҳаракат қиладиган "Ордабаси" "Қайсар" майдонига сафар қилади. Бу ўйиннинг старт ҳуштаги 20:00да чалинади. 

Туркия Суперлигаси.

Бугун Туркия чемпионати дастлабки тур ўйинлари ўтказилади. Ҳусниддин Алиқулов ҳаракат қилаётган "Ризеспор" сафарда "Адана Демирспор" билан куч синашади. Ушбу беллашув тунги соат 23:45да бошланади. 

Бу баҳсда Алиқулов янги жамоасида дебют қилиши мумкин. У жамоасининг ўйин қайдномасида бор.