Легионерларимиз. Бугун Ўзбекистон терма жамоасининг 6 нафар аъзоси ўйнайди

Бугун хорижда ҳаракат қилаётган бир нечта легионерларимиз ҳам ўз ўйинларини ўтказади. 

Яқинда легионерга айланган Азизбек Турғунбоев жамоаси "Сивасспор" Туркия чемпионати 27-тури доирасида "Пендикспор"ни қабул қилади. Ўйин 15:30да бошланади. 

Жасурбек Яхшибоев ва Шаҳбоз Умаров "Ордабаси" билан Қозоғистон Суперкубоги доирасида "Тобол" билан курашади. Бу баҳс 17:00да бошланади. 

Бугун Франция чемпионатининг 23-тури беллашувлари давом эттирилади. Абдуқодир Ҳусанов шарафини ҳимоя қилаётган "Ланс" ўз уйида "Монако"ни қабул қилади. Бу учрашув ҳуштаги 17:00да чалинади. 

Осиё кубогидан сўнг БАА чемпионати вакили "Ал Ваҳда"га кўчиб ўтган Ҳожимат Эркинов жамоаси ҳам бугун ўз ўйинини ўтказади. Рақиб "Ал Батаех". Учрашув вақти 18:30да.  Бундан ташқари, БАА чемпионатида ёрқин ўйнаётган Азизжон Ғаниев клуби "Шабаб Ал-Аҳли" ҳам чемпионатдаги баҳсини ўтказади. Бу матч ҳам 18:30да бошланади.