“Барса”га Холандни олиб берадиган юлдуз топилди
“Манчестер Сити”нинг энг зўр тўпурари Эрлинг Холанд ҳамон Испания чемпионати гранд клублари – “Барселона” ҳамда “Реал” нишонида турибди.
Ўтган йили норвегиялик ҳужумчи “шаҳарликлар” билан амалдаги шартномаси 2034 йилнинг ёзигача узайтиранига қарамай, унинг Ла Лигага кўчиб ўтиши ҳақидаги маълумотлар тингани йўқ.
El Nacional нашрининг ёзишича, “Барселона” раҳбарияти 25 ёшли ҳужумчи ашаддий рақиб “Реал”га эмас, балки каталонияликларга тегишига қаттиқ ишонмоқда. Каталонияликларда Ламин Ямал ва Эрлинг Холанд жуфтлигини ташкил қилиши режаси бор. Холанднинг “Барса”ни танлашида жаҳон футболининг янги юлдузи Ламин Ямал муҳим роль ўйнаши айтилмоқда.
Бундан ташқари, “Реал” ҳужум чизиғида Килиан Мбаппе ва Винисиус Жуниор тандеми ўйнаётгани боис, улар орасида Холандга жой топиш қийин масала экани ҳам “Барселона” мутасаддиларини норвегиялик тўпурарнинг Каталонияни танлашига умидвор қиляпти.
Комментарии