Легионерларимиз тўп сурадиган энг кучли чемпионат ҳам тўхтатилиши мумкин

Россия премьер-лигаси матбуот хизмати тарқатган хабарга кўра, ташкилот 17 март куни навбатдан ташқари йиғилиш ўтказади ва кун тартибига қўйиладиган коронавирус сабаб чемпионат учрашувларини тўхтатиш масаласини муҳокама қилади.

Таъкидлаш керакки, ҳозирда COVID 19 вируси Россияга ҳам кириб келган.

Айни пайтгача Европанинг аксарият мамлакатлари чемпионат ўйинларини тўхтатди.

Россия премьер-лигасида Ўзбекистон миллий терма жамоаси аъзолари ҳисобланган Элдор Шомуродов ("Ростов") ҳамда Остон Ўруновлар ("Уфа") тўп суришмоқда.