Левандовски 2020 йилдаги улкан хизматлари учун "Олтин тўп" билан тақдирланиши мумкин
Франциянинг машҳур "France Football" нашри "Олтин тўп"нинг 2020 йилдаги мукофотланмаган ғолибига совринни топшириш масаласини кўриб чиқмоқда. Бу борасида "Diario Sport" нашри хабар берди.
Маълум бўлишича, ўша пайтда Роберт Левандовски ғолиблик учун асосий даъвогар бўлган. Аммо коронавирус пандемияси сабаб тақдирлаш маросими ўтказилмаган. 2021 йилда эса Роберт иккинчи ўринда қайд этилган бўлиб, шоҳсупада Лионель Месси кўриниш берган.
Маълумот ўрнида, ўша мавсум Левандовски умумий ҳисобда 47 ўйинда иштирок этган ва ўз номига 55 голни расмийлаштириб қўйган.
Фикрлар