Левандовски "Барселона"да қолиши мумкин: клуб янги шартнома таклиф қилади

Каталониянинг "Барселона" жамоаси ҳужумчиси Роберт Левандовски келаси мавсумда ҳам клубда қолиши мумкин.

"Mundo Deportivo" хабарига кўра, 37 ёшли футболчининг манфаатларини ҳимоя қилувчи агент Пини Захави "кўк-анорранглилар" раҳбарияти билан мижозининг келажагини муҳокама қилади.

Манбага кўра, Левандовскининг амалдаги шартномаси жорий мавсум сўнгида якунланади. Шу билан бирга, "Барселона" тажрибали ҳужумчига яна бир йиллик янги битим таклиф қилишга тайёр.

Қайд этилишича, Робертнинг ўзи ҳам бир қатор Европа клублари қизиқишига қарамасдан жамоада қолишга қарши эмас.

Жорий Испания чемпионатида Левандовски 25 та ўйинда майдонга тушиб, 12 та гол урди ва 1 та голли узатма амалга оширди.