Левандовски бир неча ўйинга дисквалификация қилиниши мумкин

"Барселона" ҳужумчиси Роберт Левандовски Испания чемпионатининг 14-туридан ўрин олган "Осасуна"га (2:1) қарши ўйинда майдондан четлатилган. Маълумотларга кўра, польшалик форвард бир ўйинга автоматик дисквалификация қилинади ва ундан ташқари, қўшимча жазо сифатида яна бир нечта учрашувларни ўтказиб юбориши мумкин.

31-дақиқада ҳужумчи ҳакам Хесус Хил Мансанодан ҳақли равишда иккинчи сариқ карточка олди. Майдонни тарк этиб, у бир неча бор қўлларини бурнига теккизиб, ҳакамларга мурожаат қилди. Бундай имо-ишора талқинларидан бири шундаки, "Барса" форварди ҳакам ниманидир ҳидлаганига шама қилган. 

Ҳар ҳолда Левандовскининг ҳаракатларига алоҳида баҳо берилади. У Испания чемпионати қайта тикланганидан кейин бир нечта ўйинга дисквалификация қилиш хавфи борлиги айтилмоқда.