Levandovski o‘ziga xos natija qayd etdi

“Barselona” hujumchisi Robert Levandovski La Liga 2-turi doirasidagi “Real Sosedad”ga (4:1) uchrashuvida noodatiy natijani qayd etdi. Eslatib o‘tamiz, kecha 34 yoshini nishonlagan polshalik dubl qayd etdi.

“MisterChip” nshri xabariga ko‘ra, Levandovski “Barselona” tarixidagi o‘z tug‘ilgan kunida dubl qayd etgan 3-futbolchi bo‘ldi. Oxirgi marta braziliyalik Ronaldo 1996 yilning 22 sentyabrida ushbu natijani qayd etgan va o‘shanda ham xuddi shu “Real Sosedad” darvozasi ishg‘ol qilingan.

Birinchi natija esa 1988 yilda Xulio Salinas tomonidan qayd etilgan bo‘lib, o‘z tug‘ilgan kunida “Elche” darvozasiga ikkita gol urgan.